پیر کے روز کوئٹہ کے علاقے قمبرانی روڈ پر بشیر چوک کے قریب دھماکا ہوا ہے،جس کے نتیجے میں ایک بچے سمیت 5 افراد کے زخمی ہونے کی اطلاعات ہیں۔

ریسکیوذرائع کے مطابق دھماکے میں زخمی ہونے والوں کو سول اسپتال منتقل کردیا گیا جہاں انہیں طبی امداد دی جارہی ہے۔

دھماکے کی اطلاع ملتے ہی پولیس ، ایف سی اور دیگر قانون نافذ کرنے والے ادارے جائے وقوعہ پر پہنچے اورعلاقے گھیرے میں لےلیا۔

پولیس کے مطابق دیسی ساختہ بم سڑک کنارے نصب کیا گیا تھا، دھماکے کی جگہ پر ریڑھی اور چھابڑی والے موجود تھے۔