12مئی2007کراچی میں قتل عام کا دن تھا جب شہرکی سڑکوں پر50سے زائد انسانوں کی جانيں چلی گئيں،سانحے 14برس بيت گئے قاتل اب بھی آزاد ہيں۔

اس وقت کے مشير داخلہ وسيم اختر سميت ایم کیو ایم رہنماؤں اور کارکنوں کخلا ف 26جبکہ مجموعی طور پر 60مقدمات زیر التوا ءہیں ، اب تک دس سے زائد گواہوں کی بیانات قلمبند کئے گئے ہیں ۔

سندھ ہائیکورٹ نے ڈھائی سال قبل سانحہ 12مئی کی تحقيقات کيلئے عدالتی ٹريبونل اور جے آئی ٹی بنانے کا حکم ديا گيا مگر تاحال عملدرآمد نہ ہو سکا،عدالت عاليہ کے حکم پر متعدد مقدمات دوبارہ کھولے گئے ہيں۔

مقدمات میں وسیم اختر ، عمیر صدیقی سمیت 21 ملزمان پر فرد جرم عائد ہوچکی ہے ،ان مقدمات میں 40 سے زائد ملزمان مفرور ہیں ، کئی بار ناقابل ضمانت وارنٹ گرفتاری جاری ہونے کے باوجود پولیس مفرور ملزمان کو گرفتار کرنے میں ناکام ہے۔