پاکستان تحریک انصاف کے رہنما ءجہانگیر ترین عبوری ضمانت کی معیاد ختم ہونے پر سیشن اور بینکنگ عدالت پیش ہوئے۔

دونوں عدالتوں نے تفتیش مکمل نہ ہونے پر جہانگیر ترین سمیت ملزمان کی عبوری ضمانت میں 19مئی تک توسیع کر دی، عدالت نے تفتیش مکمل کرنے کی حتمی مہلت دے دی۔

بعدازاں جہانگیر ترین نے میڈیا سے گفتگو کرتے ہوئے بتایا کہ وزیراعظم سے اچھے ماحول میں ملاقات ہوئی۔

پی ٹی آئی جہانگیر ترین نے کہا کہ شاہ محمود قریشی کی بات کا جواب نہیں دوں گا، انہیں ایسا بیان زیب نہیں دیتا تھا۔

تحریک انصاف کے رہنما ءراجہ ریاض اور نعمان لنگڑیال سمیت اراکین پارلیمنٹ کی بڑی تعداد جہانگیر ترین کے ہمراہ عدالت پہنچی جنہوں نے اپنے قائد کے ساتھ بھرپور یکجہتی کا اظہار کیا،کارکنان کی جانب سے گل پاشی اور نعرے بازی کی گئی۔