این سی او سی کی ہدایت پر وزارت داخلہ نے سرکلر جاری کر دیا۔ عید الفطر گھر پر ہی گزارنا ہو گی، سیروتفریح کی اجازت نہیں ہوگی، حکومت نے تمام سیاحتی مقامات بند رکھنے کا فیصلہ کرلیا۔

وزارت داخلہ نے نیشنل کمانڈ آینڈ اپریشن سنٹر کی ہدایت پر سرکلر جاری کر دیا، جس کے مطابق 8 مئی سے 16 مئی تک تمام سیاحتی مقامات، پبلک پارکس، ہوٹلز،شاپنگ مالز بند رہیں گے، شمالی علاقہ جات، مری، سوات، گلیات، سی ویو جانے والے راستے بند رہیں گے۔

عید تعطیلات کے دوران پبلک ٹرانسپورٹ بھی مکمل بند رہے گی،، صرف گلگت بلتستان کےشہریوں کو اپنےعلاقوں میں جانے کی اجازت ہوگی۔ وزارت داخلہ کے مطابق اعتکاف، شب قدر، نماز عید سے متعلق ایس او پیز جاری کیے جائیں گئے۔