اسلام آباد مین پریس کانفرنس کرتے ہوئے شیخ رشید کا کہنا تھا کہ 20 اپریل کو 7 گھنٹے ٹی ایل پی کے ساتھ مذاکرات کے بعد معاملات طے پائے۔

ان کا مزید کہنا تھا کہ سعدرضوی سمیت 210 ایف آئی آر قانونی مرحلے سے گزریں گی۔

شیخ رشید نے مزید کہا کہ ٹی ایل پی کو انسداد دہشتگردی ایکٹ کے تحت کالعدم قرار دیا گیا ہے،ان کے پاس اپیل کا حق موجود ہے، اور وہ 30 روز میں اپنا جواب داخل کرا سکتے ہیں۔

شیخ رشید کا کہنا تھا کہ سوشل میڈیا کے ذریعے پاکستان کے استحکام کو تباہ کرنے کی کوشش کی گئی، پولیس اور رینجرز نے سارے معاملے میں زبردست کام کیا، مولانا فضل الرحمان نے سمجھا کہ شاید ان کی لاٹری نکل آئی ہے، جو بھی کرتے ہیں ان کو الٹا پڑتا ہے۔

انھوں نے بتایا کہ برطانیہ نے نوازشریف کی واپسی کے حوالےسے کوئی مثبت جواب نہیں دیا۔