اجلاس میں آئندہ کے لائحہ عمل کے حوالےسے غور کیا جائیگا۔ صدرآل شادی ہال ایسوسی ایشن رانا رئیس کے مطابق شادی ہال پر پابندی سوالیہ نشان ہے ،

ان کا کہنا تھا کہ شادی ہال پر پابندی سے ہزاروں افراد کا روزگار متاثر ہوگا، شادی ہال میں ایس او پیز کی مکمل پابندی کے باوجود یہ اقدام قابل مذمت ہے ۔

رانا رئیس نے مزید کہا کہ انتظامیہ چاہے تو شادی ہال میں سی سی ٹی وی فوٹیج سے بھی نگرانی کی جاسکتی ہے ، اور انتظامیہ سے ہر ممکن تعاون کیلیے تیار ہیں ۔

رانا رئیس نے مزید کہا کہ حکومت سے مطالبہ کرتے ہیں کے شادی ہال کے معاملے پر نظر ثانی کرے ، اگرشادی ہال پر عائد پابندی نہ ہٹائی گئی تو بھر پور احتجاج کریں گے ۔

رانا رئیس نے مزید کہا کہ ہمارا معاشی قتل عام بند کیا جائے ،اور جن کی تقریبات ہیں وہ بھی پریشان ہے۔