اسلام آبادکی احتساب عدالت کے جج محمد بشیر نے کڈنی ہلزریفرنس کی سماعت کی ،سلیم مانڈوی والا بینچ کے روبرو پیش ہوئے ۔

جج نےاستفسار کیا کہ آج تو فرد جرم عائد کرنا تھی باقی ملزمان کیوں نہیں آئے،جس پر وکلا ءصفائی نے بتایا کہ ایک ملزم کورونا ویکسین لگوانے کے باعث پیش نہیں ہورہا، آئندہ سماعت پر ملزمان آ جائیں گے۔

بعدازاں احتساب عدالت نے فرد جرم کی کارروائی14 اپریل تک مؤخر کر دی اور آئندہ سماعت پر تمام ملزمان کو حاضری یقینی بنانے کی ہدایت کی۔