شازیہ مری کا کہنا تھا کہ پاکستان پیپلزپارٹی اب تک مریم نواز کے فیصلوں اور بیانات کو سنجیدہ لیتی رہی ہے۔اگر مسلم لیگ ن کے نزدیک ہی مریم نواز کے بیانات اور فیصلوں کی کوئی حیثیت نہیں تو واضح کیا جائے کہ ان کی حیثیت آخر کیا ہے؟

انکا کہنا تھا کہ مسلم لیگ ن نے جے یو آئی سے مل کر اپنے ذاتی مفادات کے لئے پی ڈی ایم میں پھوٹ ڈالی۔مولانا فضل الرحمان کہہ چکے ہیں کہ اگر پی پی استعفے نہیں دیتی تو جے یو آئی اور ن لیگ مل کر استعفےدےدیں گے۔مسلم لیگ ن اور جے یو آئی واضح کریں کہ وہ کب اسمبلیوں سے مستعفی ہورہے ہیں؟لاڑکانہ میں جے یو آئی اور پی ٹی آئی کے اتحاد پر شوکاز نوٹس کب جاری ہوگا؟