وزیرخزانہ نے مالیاتی اور قرضوں کی منیجمنٹ اورٹیکس اصلاحات کیلئے بنک کے تعاون کو سراہا ۔

ورلڈ بینک کے کنٹری ڈائریکٹر ناجی بن حسین سے ملاقات میں وزیرخزانہ حماد اظہرنے سماجی و معاشی ترقی کے اصلاحاتی ایجنڈے کونافذ کرنے میں حکومت کی پختہ عزم کا اعادہ کیا ۔

وزیرخزانہ نے کہا کہ پاکستان کو مضبوط ، پائیداراورجامع ترقی کے حصول کے لئے عالمی بینک کی مسلسل حمایت اہم ہے ۔ حکومت کی توجہ مالی اورمعاشی نظم و نسق ، معاشی شعبوں کو مستحکم کرنے ، ٹیکس محصولات میں اضافے اورتوانائی کے شعبے کوترتیب دینے پرمرکوزہے،

کنٹری ڈائریکٹرنے وزیرخزانہ کو اضافی ذمہ داریاں سنبھالنے پر ان کیلئے نیک خواہشات کا اظہارکیا ہے ۔ وزیرخزانہ نے غربت کے خاتمے اور "احساس پروگرام" کے لئے عالمی بینک کی فنانسنگ کوسراہا ۔