شنیرا اکرم نے سماجی رابطوں کی ویب سائٹ ٹوئٹر پر جاری اپنے پیغام میں لکھا ’آج صبح جب میں نے ٹوئٹر چیک کیا تو سب سے پہلی نظر آنے والی چیز میرے شوہر کی تصویر ہے جو انڈروئیر پہنے ہوئے ہیں، کیا یہ نارمل ہے؟‘

واضح رہے کہ وسیم اکرم کی وائرل تصویر حال ہی میں بھارتی پریزینٹر اور کمنٹیٹر گوتھم بھیمانی نے ٹوئٹر پر شیئر کرتے ہوئے اسے اپنی پسندیدہ یادگار قرار دیا تھا۔ گوتھم بھیمانی کا کہنا تھا کہ یہ میری اور وسیم اکرم کی پہلی ملاقات تھی جب پاکستانی اور بھارتی ٹیم نے پول میں ہولی کھیلی۔

سابق کپتان وسیم اکرم نے بھیمانی کی ٹویٹ کو ری ٹویٹ کرتے ہوئے ناصرف ہولی کی مبارکباد دی تھی بلکہ یہ بھی بتا دیا کہ یہ تصویر پاکستانی ٹیم کے 1987ءمیں بھارت کے دورے کے دوران لی گئی تھی۔