آرمی چیف جنرل قمرجاوید باجوہ سے برطانوی کمانڈر اسٹرٹیجک کمانڈ نے ملاقات کی جس میں پشہ وارانہ و باہمی دلچسپی کے امور پر تبادلہ خیال کیا گیا۔ملاقات میں علاقائی سلامتی کی صورتحال پر بھی بات چیت ہوئی۔

معزز مہمان نے دہشتگردی کیخلاف پاک فوج کی کوششوں کو سراہتے ہوئے افغان امن عمل میں پاکستان کے کردار کی تعریف کی۔

آئی ایس پی آر کے مطابق برطانوی کمانڈر اسٹرٹیجک کمانڈ نے خطے میں امن و استحکام خصوصاًافغانستان کےلئے پاکستان کی کوششوں کو بھی سراہا۔

آرمی چیف جنرل قمر جاوید باجوہ نے کہا کہ پاکستان برطانیہ کیساتھ تعلقات کو قدر کی نگاہ سے دیکھتا ہے۔