ایف آئی اے نے ملزمان کے قبضے سے ایک سو چوبیس پاسپورٹ اور کمپیوٹرز بھی قبضے میں لے لئے۔

ایف آئی اے اینٹی ہیومن ٹریفکنگ سرکل نے گلبرگ میں واقع پلازہ میں کارروائی کرتے ہوئے جعلی ویزہ کے کاروبار میں ملوث ٹریول آفس سیل کردیا۔

ایف آئی اے کے مطابق ایجنسی سے چار ملزمان عاصم ریاض، محمد وسیم، وقاص صدیق اور حسن شہباز کو گرفتار کر کے 124 پاسپورٹس، فائلیں، 2 لیب ٹاپ اور 5 کمپیوٹرز قبضے میں لے لیے ہیں۔

ٹریول ایجنسی کے خلاف کارروائی ترکی کے جعلی ویزے پر ڈی پورٹ ہونے والے مسافر کی نشاندہی پر کی گئی تھی۔

ایف آئی اے کا کہنا ہے کہ گرفتار ملزمان کے خلاف امیگریشن آرڈیننس کے تحت مقدمہ درج کر دیا گیا ہے۔