وزیراعظم کے معاون خصوصی ڈاکٹر فیصل سلطان نے سماجی رابطے کی ویب سائٹ پر جاری اپنے پیغام میں اطلاع دی ہے کہ وزیراعظم عمران خان کا کورونا ٹیسٹ مثبت آگیا ہے، جس کے بعد انہوں نے خود کو اپنے گھر میں قرنطینہ کرلیا ہے۔

دو روز قبل وزیر اعطم عمران خان نے کورونا ویکسین لگوائی تھی اور اس موقع پر وزیر اعظم نے کہا تھا کہ کورونا وبا کی تیسری لہر کے پیش نظر ایس اوپیز پرعملدرآمد کو یقینی بنایا جائے۔ ملک بھرمیں کورونا ویکسین لگانے کی مہم جاری ہے۔