آئی ایس پی آرکے مطابق آرمی چیف جنرل قمرجاوید باجوہ سے ازبکستان کے وزیرخارجہ عبدالعزیز کامیلوف نے ملاقات کی۔

ڈی جی آئی ایس آئی لیفٹیننٹ جنرل فیض حمیدبھی اس موقع پرموجود تھے۔ملاقات میں باہمی دلچسپی کےامور،مختلف شعبوں میں دوطرفہ تعاون کے علاوہ علاقائی صورتحال اورافغان مفاہمتی عمل پر تبادلہ خیال کیا گیا۔

دونوں اطراف نے باہمی تعلقات کےفروغ اورخطے میں امن واستحکام کی کوششیں جاری رکھنے کی خواہش کا اعادہ کیا۔

ازبکستان کے وزیرخارجہ نے خطے میں امن و استحکام اور افغان مفاہمتی عمل کےلئے پاکستان کے کردار کو سراہا۔