ڈسٹرکٹ ایجوکیشن اتھارٹی لاہور نے کورونا کیسز مثبت آنے پر شہر کے 3سرکاری اسکولز سیل کر دئیے ۔

حکام کے مطابق 7 طلبا ءاور ایک خاتون ٹیچر میں کورونا مثبت آیا ہے، مثبت کیسز والے گورنمنٹ عارف سیکنڈری اسکول مصطفیٰ آباد، گورنمنٹ گرلز اسکول کینٹ اور وفاقی کالونی کو 7 روز کیلئے بند کردیا گیا ۔

دوسری جانب محکمہ صحت پنجاب نے 60 سال سے زائد عمر کے رجسٹرڈ بزرگ شہریوں کی کورونا ویکسی نیشن 10 مارچ سے شروع کرنے کا فیصلہ کیا ہے، صوبہ بھر میں اب تک ڈیڑھ لاکھ سے زائد بزرگ شہری رجسٹرڈ ہو چکے ہیں۔

سیکرٹری پرائمری اینڈ سیکنڈری ہیلتھ کئیر محمد عثمان کی جانب سے جاری کئے گئے نوٹیفکیشن کے مطابق تمام اضلاع میں بزرگ شہریوں کو اسپتالوں میں رش اور وبائی امراض سے بچانے کیلئے اسپتالوں سے ہٹ کر 104 ویینہر سنٹری قائم کئے گئے ہیں۔