وزیراعلی پنجاب سردار عثمان بزدار نے کہا ہے کہ افسوس کا مقام ہے کہ اپوزیشن ملکی مفادات کے مخالف ایجنڈے پر چل رہی ہے،پی ڈی ایم کو ملکی ترقی عزیز نہیں بلکہ وہ انتشار پھیلا کر ترقی کو روکنے کے درپے ہیں۔

عثمان بزدار نے مزید کہا کہ موجودہ حالات میں افراتفری کی سیاست کی رتی بھر بھی گنجائش نہیں،انتشارکی سیاست کرنے والوں کووسیع تر قومی مفاد میں ہوش کے ناخن لینے چاہئیں۔

وزیر اعلی پنجاب نے کہا کہ پاکستانی عوام بھی اب ایسے عناصر کے جھانسے میں نہیں آئیں گے،وزیراعظم عمران خان کی قیادت میں پاکستان ترقی کے سفر کیلئے ٹیک آف کرچکا ہے۔