آتشزدگی میں کم سن بچوں کی ہلاکت پر ماں نے ہی اپنے جگر گوشوں کو قتل کیا۔

واقعہ گزشتہ روز مانگا منڈی میں پیش آیا۔ کمرے میں لگی آگ نے اڑھائی سالہ فیضان اور ڈیڑھ سالہ عبدالرحمان کی زندگی کا چراغ گل کر دیا۔ ملزمہ تنزیلہ نے اعتراف جرم کرتے ہوئے بتایا کہ شوہر سے جھگڑے کے بعد انتہائی قدم اٹھایا۔

زندہ بچ جانے والے پانچ سالہ اذان نے بھائیوں کے قتل کی واردات اپنی آنکھوں سے دیکھی ۔ اذان کے بیان کو پولیس تفتیش کا حصہ بنا دیا گیا ہے۔

پولیس کا کہنا ہے کہ ملزمہ تنزیلہ سے مزید تفتیش جاری ہے۔