کراچی کے علاقے نیوکراچی سیکٹر 11میں رات گئے گارمنٹس فیکٹری میں لگی آگ پر قابو پالیا گیا ،فائر بریگیڈ کی3گاڑیوں نے آگ پر قابو پایا ۔

امدادی ٹیموں نے فیکٹری کی بالائی منزل پررہائش پذیرفیملیزکوبحفاظت نکالا، فیکٹری چوکیدار کی اہلیہ کا کہنا تھا کہ شوہرنائٹ ڈیوٹی پر تھا ، گزشتہ کئی سالوں سے فیکٹری میں رہائش پذیرہیں ۔

متاثرہ خاتون نے بتایا کہ جب آگ لگی اس وقت ہم سورہے تھے دھویں سے دم گھٹنے کے باعث آنکھ کھلی۔

پولیس کے مطابق فیکٹری میں 15مزدور کام کر رہے تھے، آگ مشین گرم ہونے سے لگی تو مزدور فیکٹری سےباہرآگئے ۔