سینیٹ انتخابات میں حصہ لنےن کیلئے پیپلزپارٹی کو 40 سے زائد درخواستیں موصول ہوگئیں،امیدواروں کو ٹکٹ کے اجراء کیلئے پیپلزپارٹی نے آصف علی زرداری اور بلاول بھٹو زرداری کی سربراہی میں 9 رکنی پارلیمانی بورڈ تشکیل دے دیا۔

فریال تالپور، یوسف رضا گیلانی، راجا پرویز اشرف، نئیر بخاری، فرحت اللہ بابر اور پارٹی کے صوبائی صدراور جنرل سیکریٹری پارلیمانی بورڈ کا حصہ ہوں گے۔

پیپلزپارٹی کی جانب سے نثار کھوڑو اور شیری رحمٰان کو ٹکٹ دیئے جانے امکان ہے جبکہ فاروق ایچ نائیک اور شہادت اعوان کو ٹیکنوکریٹ کی نشست پر ٹکٹ دینے پر غور کیا جارہا ہے۔

سینیٹ انتخابات کیلئے سندھ سے پیپلزپارٹی امیدواروں کا اعلان آئندہ ہفتے کرے گی۔