کورونا کیسز میں اتار چڑھاؤ کا سلسلہ جاری ہے، پنجاب میں زیادہ مثبت کیسز والے علاقوں میں مزید اسمارٹ لاک ڈاون لگادیا گیا ۔

لاہور کے 16علاقے سیل کرنے کے احکامات تو دے دئیے گئے مگر ابھی اہلکاروں کی تعیناتی عمل میں نہیں لائی گئی۔

سیل علاقوں میں ایک بار پھر محدود نقل وحرکت اور تعلیمی اداروں سمیت دفاتر کی بندش نے شہریوں کو پریشان کردیا ، کہتے ہیں حکومت کے اقدام صرف عوام کو تنگ کرنے کیلئے ہیں۔

محکمہ صحت نے لاہور کے 16گوجرانوالہ گجرات کے ایک ایک اور حافظ آباد کے 3علاقوں میں اسمارٹ لاک ڈاؤن کا نوٹیفکیشن جاری کردیا ہے۔