گذشتہ روز وزیراعظم عمران خان کی زیر صدارت وفاقی کابینہ کا اجلاس ہوا۔

خبر رساں ادارے کی رپورٹ کی مطابق وفاقی کابینہ نے انکم ٹیکس آرڈیننس 2001ء کے سیکنڈ شیڈول کے تحت یورو بانڈز، انٹرنیشنل سکوک کے لین دین اور چائنہ کی مارکیٹ میں جاری کیے گئے پانڈا بانڈز سے حاصل شدہ منافع پر ٹیکس چھوٹ کی منظوری دے دی ہے۔

رپورٹ میں بتایا گیا کہ حکومت کے خیال میں ان بانڈز پر شرح سود ساڑھے پانچ سے ساڑھے چھ فیصد ادا کرنا پڑے گی جس کا انحصار ان کی میعاد پر ہوگا۔

واضح رہے کہ پاک چین دوستی کو ہمالیہ سے اونچی اور سمندروں سے گہری گردانا جاتا ہے۔ چین پاکستان کا ایک بہترین دوست ہے اور یہی وجہ ہے کہ پاکستان میں شروع ہونے والے بیشتر پراجیکٹس میں چینی کمپنیوں کی جانب سے سرمایہ کاری بھی کی جاتی ہے۔