جب گندے پیروں کے نیچے لتھاڑ کر وہ بھی ننگے فرش کے اوپر پیزا تیار کیا جائے گا اور بنانے والے مزدوروں کے پاﺅں پسینے سے بھی شرابور ہوں اور انہوں نے جسم پر کپڑوں کے نام پر بھی چیتھڑے باندھ رکھے ہوں تو ذائقہ تو خود بخود پیدا ہو جائے گا۔

آج کل سوشل میڈیا پر پیزا بنانے والے ایک کارخانے کی ویڈیو وائرل ہے۔ ویڈیو تو یہ انڈیا کی ہے مگر ہمارے ہاں بھی حالات کچھ ایسے ہی ہیں۔

ویڈیو میں دیکھا جاسکتا ہے کہ فوڈ ڈیپارٹمنٹ کی چھاپہ مار ٹیم ایک ایسی فیکٹری پر چھاپہ مارتی ہے جہاں پر پیزا بنانے کے لیے اس کے آٹے کو فرش پر ڈالا گیا ہے اور پیزا بریڈ کو بڑا کرنے کے لیے مزدور ننگے پیروں کے ساتھ اس کے اوپر چڑھے کھڑے ہیں اور گٹھنوں کے ساتھ اسے پریس کر رہے ہیں۔

کراہت بھرا یہ منظر دیکھنے کے قابل ہی ہے کہ جہاں پیزا کی بریڈ تیار کی جا رہی ہے وہ جگہ بھی انتہائی غلیظ ہے اور جو مزدور پیزا بریڈ تیار کررہے ہیں ان کی اپنی صفائی ستھرائی کی حالت بھی ناقابل دید ہے۔