اسلام آباد چیمبر آف کامرس اینڈ انڈسٹری کے دورے کے موقع پر خطاب کرتے ہوئے انہوں نے کہا کہ سعودی عرب پاکستان کو ایک تیزی سے ترقی کرتے ہوئے ملک کے طور پر دیکھنا چاہتا ہے کیونکہ پاکستان پوری امت مسلمہ کے لئے بہت اہم ہے۔

اس موقع پر اسلام آباد چیمبر کے صدر سردار یاسر الیاس نے کہا پاکستان اور سعودی عرب کے مابین خوشگوار تعلقات قائم ہیں، لیکن تقریبا ساڑھے تین ارب ڈالر کی باہمی تجارت دونوں کی اصل صلاحیت سے کم ہے۔

انہوں نے مزید کہا کہ پاکستان کی بہت سی اعلی معیار کی مصنوعات سعودی عرب کی مارکیٹ میں بہتر مقبولیت حاصل کر سکتی ہیں۔